Geskryf deur THEUNIS

Geskryf deur THEUNIS, JOHANNES CLOETE  tjcloete@absamail.co.za

“TIPP-EX”?

Bette Nesmith het as ’n sekretaresse  gewerk in ’n bank. Sy het ’n probleem gehad wat haar aandag getrek en waarin sy belanggestel het. Haar gedagte was dat daar moet ’n vinnige manier wees om tikwerk foute reg te stel. Sy het ook ’n bietjie ondervinding van kuns gehad en geweet dat kunstenaars wat met olieverf werk en wat ’n fout gemaak het, net eenvoudig oor die fout verf. So het sy gedink dat dit ook vir haar kan help met haar tik foute. Sy het ’n konkoksie van vloeistof bymekaar gegooi en toe dit gebruik om haar tikwerk foute reg te stel.

Verseker was dit nie lank nie en al die dames op haar vloer het die vloeistof , wat sy sommer “MistakeOut” genoem het, gebruik. Sy het toe probeer om die vloeistof aan maatskappye te verkoop – onder andere  IBM ook – maar niemand het belanggestel nie.

Wel die sekretaresse het van haar produk gehou en so het sy begin om vanuit haar kombuis die konkoksie aan te maak en te verkoop.

Bette het op die ou end die besigheid verkoop wat vir haar ’n inkomste van drie en ’n half miljoen dollar per jaar gegee het. Die koper was Gillette maatskappy en die verkoop prys was sewe-en-veertig en ‘n half miljoen dollar.         Uit:- Crossroads uitgawe 7

Die probleem wat Bette Nesmith moes oorkom is, dat buiten ’n paar sekretaresse was daar niemand wat in haar produk geglo het nie.

Glo jy dat die Here Jesus Christus se bloed jou sal en kan reinig van ALLE sonde?

Hy is die enigste wat jou sonde kan weg was. Hy wil dit vir jou doen!

 HAND. 4:10  laat dit bekend wees aan julle almal en aan die hele volk van Israel dat deur die Naam van Jesus Christus, die Nasaréner, wat julle gekruisig het, maar wat God uit die dode opgewek het, dat deur Hom hierdie man gesond voor julle staan.

:11  Hy is die steen wat deur julle, die bouers, verag is, wat ‘n hoeksteen geword het.

:12  En die saligheid is in niemand anders nie, want daar is ook geen ander naam onder die hemel wat onder die mense gegee is, waardeur ons gered moet word nie.

 OPENB. 1:5  en van Jesus Christus, die getroue getuie, die eersgeborene uit die dode en die Owerste oor die konings van die aarde! Aan Hom wat ons liefgehad het en ons van ons sondes gewas het in sy bloed

1 JOH. 1:7  Maar as ons in die lig wandel soos Hy in die lig is, dan het ons gemeenskap met mekaar; en die bloed van Jesus Christus, sy Seun, reinig ons van alle sonde.

GEBED

Vader , dankie dat U al my sonde wegwas met U bloed! Dankie dat ek die vergifnis slegs by U kan verkry. AMEN