Geskryf deur THEUNIS

Geskryf deur THEUNIS, JOHANNES CLOETE  tjcloete@absamail.co.za

UITSPRAAK WORD WAAR!

Dit het begin soos in baie huise elke aand. Pa en ma is by die huis en Jimmy speel na ete nog so ’n bietjie. Pa en ma was so besig met so baie takies dat hulle nooit die tyd dop gehou het nie. Dit was volmaan en van die strale het deur die venster geskyn.

Die volgende oomblik het ma na die horlosie gekyk en gesien dat dit al laat was en :- “ Jimmy , dit is tyd om bed toe te gaan! Gaan na jou kamer en ek sal nou-nou vir jou kom mooi toe maak!”

Gewoonlik gebeur dit nie so nie , maar hierdie aand het Jimmy dadelik na sy kamer gegaan. Dit was so om en by ’n uur later dat mamma gekom het om seker te maak alles is reg vir die nag in Jimmy se kamer en tot haar verbasing het Jimmy by die venster gesit en die nag in gestaar. Die volmaan se strale het op hom geval. “Wat doen jy Jimmy?” “ Ek kyk na die maan mamma!” antwoord hy. “ Wel dit is tyd om bed toe te gaan en te slaap!” kom mamma se stem weer. Terwyl hy snoesig onder die kombers deur sy ma toegemaak word sê Jimmy:- “ Mamma, jy weet wat, ek gaan eendag op die maan loop!”

Wie sou ooit kon raai dat hierdie seun later in ’n ernstige motorfiets ongeluk was, waar bykans elke been in sy liggaam gebreek was. Jimmy het dit oorleef en omtrent 32 jaar later het hy- James Irwin – uitvoering gegee aan sy droom om een van die twaalf mense te word wat op die maan geloop het.                                                WHO ARE YOU WHEN NO ONE’S LOOKING – Bill Hybels

HEBR. 1:1  Nadat God baiekeer en op baie maniere in die ou tyd gespreek het tot die vaders deur die profete, het Hy in hierdie laaste dae tot ons gespreek deur die Seun

God vertel ons baie dinge deur Sy Woord. Elke woord van die Here sal waar word, hetsy Hy praat oor Hemel of Hel, of seën, of wat dit ookal mag wees.

GEBED

Dankie Here dat ons kan weet dat U nie lieg nie en dat elke woord wat U spreek waar sal word! AMEN