Geskryf deur THEUNIS
Geskryf deur THEUNIS, JOHANNES CLOETE tjcloete@absamail.co.za
ONSINKBAAR!!
Hierdie verhaal het plaasgevind die Sondag nadat die Titanic gesink het. Dit het gebeur in die dorpie Belfast waar die Titanic gebou is. Die inwoners was verslae en het op straat net mekaar se hande geneem, in trane uitgebars en dan weer verder geloop.
Een van die kerke het sestien mans verloor – almal werktuigkundiges op die Titanic. Die predikant van die gemeente het op daardie donker Sondag vanuit Markus 4:35-41 gelees.
MARKUS 4:35 En toe dit aand geword het op daardie dag, het Hy vir hulle gesê: Laat ons oorvaar na die ander kant.
:36 En hulle het die skare verlaat en Hom, net soos Hy was, saamgeneem in die skuit; en daar was ook ander skuitjies by Hom.
:37 En ‘n groot stormwind het opgekom, en die golwe het in die skuit geslaan, sodat dit al vol wou word.
:38 Maar Hy was agter op die skuit aan die slaap op die kussing. En hulle het Hom wakker gemaak en vir Hom gesê: Meester, gee U nie om dat ons vergaan nie?
:39 En Hy het opgestaan en die wind bestraf en vir die see gesê: Swyg, wees stil! En die wind het gaan lê, en daar het ‘n groot stilte gekom.
:40 Toe sê Hy vir hulle: Waarom is julle so bang? Hoe het julle dan geen geloof nie?
:41 En ‘n groot vrees het hulle oorweldig, en hulle het vir mekaar gesê: Wie is Hy tog, dat selfs die wind en die see Hom gehoorsaam is!
Die predikant het die gemeente die verhaal vertel en toe genoem dat slegs een boot, in die geskiedenis van die mensdom, onsinkbaar is: die boot waar die Saligmaker in geslaap het. Die prediker het toe bygevoeg: – Die enigste harte wat die storms van die lewe kan hanteer, is die harte waar Jesus Christus in woon.
Wat is die storm in jou lewe? Voel dit vir jou dat jy besig is om te sink? Ja, jy bid maar die Here antwoord jou nie! Jy voel verlate en eensaam. JESAJA 28:16b “hy wat glo, sal nie haastig wees nie.” Wag op die Here- Hy sal jou uitkoms gee!!
GEBED
Vader, nou wag ek op U en gaan nie verder probeer om hierdie saak te hanteer met my eie insig nie! AMEN