GEESTELIKE OORLOG NR 10 TEKSPREEK: DS JOHAN BOTHA
TEMA: DIE GORDEL WAT DIE WAARHEID IS
SKRIFLESING: PSALM 119:1-24
TEKS: EFESIERS 6:14 STAAN DAN VAS, JULLE LENDENE MET DIE WAARHEID
OMGORD, MET DIE BORSWAPEN VAN DIE GEREGTIGHEID AAN,
KYK NA ONS VORIGE BOODSKAPPE EN SIEN N PAAR BELANGRIKE WAARHEDE
WAAR HEMEL IN ONS HUIS IS, IS DIT WANNEER ONS DIE VADER, SEUN EN H.G
PLEK GEE. HARMONIE KOM DEUR BEHEER V H.GEES EN DIE GROOTSTE VAN
ALMAL IS ONDERDANIGHEID.
ONS HET GEKYK NA DIE MURE RONDOM ONS GESINNE, OORWINNING
IS MOONTLIK. ONS HET GEKYK NA DIE FEIT DAT DAAR IS DRIE VYANDE
WAT ONDERSKEI MOET WORD, DIE WORSTELSTRYD IS GROOT EN DIE
WAPENRUSTING IS NODIG, MAAR WAT IS DIT? HOE SAL N GESIN STAANDE BLY
SONDER DIT?
N KETTING IS SO STERK SOOS DIE SWAKSTE SKAKEL. DIT KAN N PA, MA,
KIND OF KINDERS WEES. DIE HERE SE TREK DIE “VOLLE” WAPENRUSTING
VAN “GOD” AAN. DIE VOLLE BETEKEN ELKEEN VAN HIERDIE WAARHEDE IS
NODIG. DIT KOM VAN GOD AF EN NIE UIT N KURSUS OF PAAR SAAMGESTELDE
WAARDES VAN MENSE NIE.
ONS KYK NA DIE EERSTE VAN HIERDIE SES WAARHEDE, EN SIEN DIT IS
DOGMATIESE WAARHEDE NAAMLIK WAARHEID, GEREGTIGHEID, VREDE,
GELOOF, VERLOSSING EN DIE WOORD.
ONTHOU DAT DIT SE “DIE GORDEL WAT DIE WAARHEID IS” EN NIE
DENKBEELDIGE GORDEL. DIE EERSTE EN SEKERLIK DIE BALANGRIKSTE
WAAROM ALLES DRAAI. MAAK DIE WAARHEID NOG SAAK SOOS IN JOHANNES
EN PAULUS SE TYD? JOHANNES VERWYS 17 KEER IN SY SENDBRIEWE NA DIE
“WAARHEID” EN IN SY EVANGELIE 22 KEER. PAULUS VERWYS 46 KEER IN SY
SENDBRIEWE NA DIE WAARHEID.
KYK NA DIE INVLOED VAN DIE LEUEN OP MENSE SE LEWE., DAN VERSTAAN
MENS WAAROM IS DIE WAARHEID SO GEWELDIG BELANGRIK. KYK NA KAIN,
SAUL, JUDAS….DIE WAARHEID MAAK MENS VRY.
“DIE WOORD VAN DIE WAARHEID” STAAN IN 2 KOR.6:7; EF. 1:13; KOL.1:5; JAK.
1:18
2TIMOTHEUS 2:15
LÊ JOU DAAROP TOE OM JOU BEPROEF VOOR GOD TE STEL AS ‘N WERKER WAT
HOM NIE HOEF TE SKAAM NIE, WAT DIE WOORD VAN DIE WAARHEID REG SNY.
KYK HOE BEGIN PAULUS AS HY SE “STAAN DAN VAS” DIT IS DIE WOORD
“STEMI” WAT BETEKEN “REGOP STAAN” WAT WYS NA IEMAND WAT SEKER
IS VAN SY SAAK. SOOS DIE ROMEINSE SOLDAAT MET SY KOP OMHOOG EN
SKOUERS AGTEROOR. GEREED EN TOEGERUS TEEN DIE VYAND
IEMAND HET EENDAG GESE “AS JY STAAN VIR NIKS, SAL JY VAL VIR ALLES” VRA
JOUSELF EERLIK “MAAK DIE WAARHEID NOG SAAK”
KYK WAAR VIND ONS DIE GORDEL “JULLE LENDENE” DIT IS WAAR EK MY
BROEK VASMAAK DAT HY NIE AFVAL. EN WAAR EK MY HEMP INSTEEK, EN
WAAR DIE POLISIEMAN SY GEWEER EN JAGTER SY MES SIT.
KYK NA DIE BESKRYWING VAN DIE ANDER DELE EN SIEN DIE AANSKOULIKHEID
VAN DIE HELM. DAAR WAS VERSKILLENDE TIPES. DIE BORSPLAAT WAT BLINK
VAN DIE NEK TOT DIE HEUPE, DIE BEENSKUTTE MET DIE SKOEN AAN SY VOETE.
ALLES HIERDIE TOERUSTING OM HOM TE BESKERM. SY KOP, BORS, MAAG
VOETE.
DIE TWEESNYDENDE SWAARD VERSKIL VAN DIE GORDEL WAT DIE WAARHEID
IS. HY IS OM AAN TE VAL. WAT WAS DIE BELANGRIKSTE? :14 “STAAN DAN VAS”
DIE GORDEL HET NIE SO BELANGRIK GELYK NIE, TOTDAT JY DIT AFHAAL EN
JY SIEN DAAR IS NIE N SWAARD EN DIE BORSWAPEN WAPPER LOS EN DIE
SKILD IS IN DIE PAD.DIE GORDEL HET DIT ALLES IN POSISIE GEHOU SODAT
DIE SOLDAAT KAN BEWEEG IN DIE GEVEG. GEESTELIK GESPROKE IS DIT DIE
ENIGSTE “SIGBARE” DEEL VAN DIE WAPENRUSTING.
DIE GORDEL WAT DIE FISIESE BETREF, WAS WEER DIE ONOPMERKBAARSTE.
EK KAN NIE VERLOSSING, GEREGTIGHEID, GELOOF EN VREDE SIEN NIE, MAAR
WEL DIE WAARHEID IN N GEESTELIKE SIN.
WAT IS DIT WAT AL DIE ANDER VASHOU? SONDER DIE WAARHEID IS DAAR
GEEN GELOOF, VERLOSSING, VREDE OF GEREGTIGHEID NIE. WAT IS HIERDIE
WAARHEID DAN ANDERS AS DIE WOORD VAN GOD OPGETEKEN IN ONS BYBEL?
ONTHOU JY SPURGEON SE WOORDE “AS HUISE IN LYN MET DIE WOORD VAN
GOD REGEER WORD, SAL ENGELE BY ONS KOM VERTOEF EN NIE UIT HULLE
PLEK VOEL NIE”
DIT WAT ALLES VASHOU HET ONS ALMAL. ELKEEN SY EIE, EN SELFS MEER AS
EEN. DIE WAARHEID IS DAARIN OPGETEKEN. DAAROM DIE AANSLAG OP DIE
BYBEL DEUR DIE EEUE
ONS SAL LATER MEER SE OOR DIE “LOGOS” EN “RHEMA” WOORD AS ONS BY
DIE SWAARD VAN DIE GEES KOM.
LUISTER: “HIERDIE BOEK SAL MY VAN SONDE WEGHOU, MAAR SONDE SAL MY
VAN DIE BOEK WEGHOU.
WAT VERSTAAN MENSE VANDAG OOR DIE GROOT WOORD GEREGTIGHEID,
WARE VREDE WAT ALLE VERSTAND TE BOWE GAAN, GELOOF WAT BERGE KAN
VERSIT, VERLOSSING VAN SONDE, STRES, SIEKTE, SELFBEJAMMERING EN DIE
STEM VAN DIE HEILIGE GEES.
AS DIE GORDEL VAN DIE WAARHEID IN POSISIE IS SAL EK
1. BORSWAPEN, WAT GEREGTIGHEID IS VERSTAAN.
HEBREERS 5:12-14
WANT HOEWEL JULLE VANWEË DIE TYD LERAARS BEHOORT TE WEES, HET
JULLE WEER NODIG DAT ‘N MENS JULLE DIE EERSTE BEGINSELS VAN DIE
WOORDE VAN GOD MOET LEER, EN JULLE HET WEER BEHOEFTE AAN MELK EN
NIE AAN VASTE SPYS NIE. WANT ELKEEN WAT MELK GEBRUIK, IS ONERVARE
IN DIE WOORD VAN GEREGTIGHEID, OMDAT HY ‘N KIND IS. MAAR VASTE
SPYS IS VIR VOLWASSENES, VIR DIE WAT GEESTESVERMOËNS BESIT DEUR DIE
GEWOONTE GEOEFEN, OM GOED VAN KWAAD TE ONDERSKEI.
EK SAL WEET WANNEER DIE DUIWEL IETS VERDRAAI
2. SKOENE, WAT VREDE IS VERSTAAN.
KOLLOSENSE 3:15,16
EN LAAT DIE VREDE VAN GOD, WAARTOE JULLE OOK IN EEN LIGGAAM GEROEP
IS, IN JULLE HARTE HEERS, EN WEES DANKBAAR. LAAT DIE WOORD VAN
CHRISTUS RYKLIK IN JULLE WOON IN ALLE WYSHEID. LEER EN VERMAAN
MEKAAR MET PSALMS EN LOFSANGE EN GEESTELIKE LIEDERE, EN SING IN
JULLE HART MET DANKBAARHEID TOT EER VAN DIE HERE.
TEN SPYTE VAN DIE MORBIEDE ONSEKERE TYE WAARIN ONS LEWE, GEE DIE
WOORD VIR ONS VREDE.
3. DIE SKILD WAT GELOOF IS VERSTAAN.
DIE GELOOF IS DUS UIT DIE GEHOOR, EN DIE GEHOOR IS DEUR DIE WOORD
ROMEINE 10:17
VAN GOD.
WAAROM TWYFEL MENSE SO MAKLIK VANDAG?
4. DIE HELM WAT VERLOSSING IS VERSTAAN.
1THESSALONISENSE 5:8
MAAR LAAT ONS WAT VAN DIE DAG IS, NUGTER WEES, MET DIE BORSWAPEN
VAN GELOOF EN LIEFDE AAN, EN AS HELM DIE HOOP OP DIE SALIGHEID.
2TIMOTHEUS 3:15
EN DAT JY VAN KLEINS AF DIE HEILIGE SKRIFTE KEN WAT JOU WYS KAN MAAK
TOT SALIGHEID DEUR DIE GELOOF IN CHRISTUS JESUS.
WAAROM KRY MENSE NIE OORWINNING OOR SONDE NIE?
5. DIE SWAARD WAT DIE GEES IS VERSTAAN.
HEBREERS 4:12
WANT DIE WOORD VAN GOD IS LEWEND EN KRAGTIG EN SKERPER AS ENIGE
TWEESNYDENDE SWAARD, EN DRING DEUR TOT DIE SKEIDING VAN SIEL
EN GEES EN VAN GEWRIGTE EN MURG, EN IS ‘N BEOORDELAAR VAN DIE
OORLEGGINGE EN GEDAGTES VAN DIE HART.
HOE SAL EK ANDERS HOOR AS GOD MET MY PRAAT?
KAN JY NOU SIEN HOE BELANGRIK IS DIE GORDEL WAT DIE WAARHEID IS?
DIE WOORD VAN GOD ONDERSTEUN HIERDIE ANDER . SONDER DIE
WOORD SAL GEEN MENS KAN OORWIN. WAAROM LEWE GESINNE NIE
IN OORWINNING? WAAROM HET HULLE NIE HEMEL IN HUL HUISE?
WAAROM LE DIE POORTE EN MURE WAT HULLE MOET BESKERM IN PUIN?
WAAROM IS DAAR NIE VREDE IN DIE HUIS? WAAROM SUKKEL JULLE SO MET
ONGEREGTIGHEID? WAAROM KRY KINDERS NIE VERLOSSING VAN SONDE?
MOET EK ANTWOORD? HULLE LOOP MET HUL BROEKE OP HULLE KNIEE. DIT IS
NIE NET ONGEMAKLIK, MAAR OPENBAAR JOU SKANDE. BAIE KOM SO BY DIE
KERK AAN, EN WORD SONDAE “BEKLEE”
DAAR WAS N MAN NA DIE HART VAN GOD WAT DIE GEHEIM GEKEN HET.
LUISTER NA DIE WYSE RAAD VAN DAWID:
EK IS ‘N METGESEL VAN ALMAL WAT U VREES, EN VAN DIE WAT U BEVELE
PSALM 119:63
ONDERHOU.
LAAT HULLE JOU VRIENDE WEES. KYK WAT SKRYF DIE WYSE SALOMO
SPREUKE 4:20-23
MY SEUN, LUISTER NA WAT EK SÊ, NEIG JOU OOR TOT MY WOORDE, LAAT
HULLE NIE WYK UIT JOU OË NIE, BEWAAR HULLE BINNE-IN JOU HART. WANT
HULLE IS DIE LEWE VIR DIE WAT HULLE VIND, EN ‘N GENESING VIR HULLE HELE
LIGGAAM. BEWAAK JOU HART MEER AS ALLES WAT BEWAAR MOET WORD,
WANT DAARUIT IS DIE OORSPRONGE VAN DIE LEWE.
SOEK JY IN JOU HUIS HEMEL?
VOLG DIE INSTRUKSIES NA!
VOEL DIT OF ALLES TE VEEL RAAK, EN JOU VREDE IS WEG, SIEN JY DIE
ONGEREGTIGHEID EN VOEL MAGTELOOS, WORD JOU GELOOF OP ALLE VLAKKE
GETOETS?
KAN EK EERDER VRA, HOE LYK DIE HANDBOEK, OF WAAR LE DIE HANDBOEK
IN DIE STOF? HOE SAL JULLE AS FAMILIE BLY STAAN TERWYL DIE WOORD NIE
OOPGEMAAK WORD NIE?
MAAK HIERDIE DINGE VAS VANDAG.
OM NA DIE VOLLEDIGE BOODSKAP TE LUISTER:
DS JOHAN BOTHA PREKE