HEL!

Gaan hel toe!    Vlieg hel toe!    Hel is jou voorland!     Gaan brand in die hel!

Hierdie is maar ’n paar van die uitroepe wat mense daagliks vir ’n ander skepsel wat deur God geskape is toe-snou.

Het jy al stil geword en oor die hel gedink? Het jy al probeer dink wat ’n verskriklike plek dit is? Het jy al gedink wie almal daar gaan wees?

Graag wil ek jou net ’n paar feite oor die hel gee.

1.     Die hel is ’n werklike plek-

    Mat 13:40  Net soos die onkruid dan bymekaargemaak en met vuur

   verbrand word, so sal dit wees in die voleinding van hierdie wêreld:

        Mat 13:41  die Seun van die mens sal sy engele uitstuur, en hulle sal uit   

        sy koninkryk bymekaarmaak al die struikelblokke en die wat die

        ongeregtigheid doen,

        Mat 13:42  en sal hulle in die vuuroond gooi. Daar sal geween wees en  

        gekners van die tande.

Hierdie is teksverse wat die letterlike bestaan van die hel bewys.

2.     Die hel is vir die Satan en sy demone –

          OPENB. 20:10  En die duiwel wat hulle verlei het, is in die poel van

         vuur en swawel gewerp waar die dier en die valse profeet is; en hulle

         sal dag en nag gepynig word tot in alle ewigheid.

3.     Die hel is vir almal wat nie in Christus Jesus glo nie –

          OPENB. 20:12  En ek het die dode, klein en groot, voor God sien

         staan, en die boeke is geopen; en ‘n ander boek, die boek van die lewe,

         is geopen. En die dode is geoordeel na wat in die boeke geskryf is,

         volgens hulle werke.

        :13  En die see het die dode gegee wat daarin was, en die dood

        en die doderyk het die dode gegee wat daarin was; en hulle is

        geoordeel, elkeen volgens sy werke.

        :14  En die dood en die doderyk is in die poel van vuur gewerp.

        Dit is die tweede dood.

       :15  En as dit bevind is dat iemand nie opgeskryf was in die boek

       van die lewe nie, is hy in die poel van vuur gewerp.

4.     Die hel is vir mense wat voorgee hulle is Christene –

Matt. 7:22  Baie sal in daardie dag vir My sê: Here, Here, het ons nie in

          u Naam geprofeteer en in u Naam duiwels uitgedrywe en in u Naam

          baie kragte gedoen nie?

          Matt. 7:23  En dan sal Ek aan hulle sê: Ek het julle nooit geken nie.

          Gaan weg van My, julle wat die ongeregtigheid werk!

Graag neem ek die vrymoedigheid om jou vandag reguit te vra:-

IS JY SEKER DAT INDIEN JY VANDAG STERWE JY HEMEL TOE SAL GAAN?

Wag jy kan seker wees hier op aarde – 1 JOH. 5:13  Dit het ek geskrywe aan julle wat glo in die Naam van die Seun van God, sodat julle kan weet dat julle die ewige lewe het en kan glo in die Naam van die Seun van God.

Ek nooi jou uit – Indien jy nie seker is nie – kontak my sodat ek jou kan help.

Wanneer begin hel? – Hel begin aan die einde van ‘n lewe wat nie aan Christus oorgegee was nie!

GEBED

Here, graag wil ek U hemel be-erwe en daarom gee ek my volkome oor aan U om U te dien en te volg soos die Bybel dit vir my leer! Vergewe my sonde en kom woon in my hart? Dankie Here dat U dit nou vir my doen! AMEN