DIE SEWE KLIPPIES.

Die sewe klippies in jou sak

Het die Here vir jou ingepak

Sodat jy ene weg kan gooi

Vir elke tiende jaar voltooi

Eerste klippie, geen probleem

Dié spel sal donkiejare neem

Dink ons in ydel kinderwaan

Die lewe gaan vir ewig aan

Op twintig waai die tweede klip

Yl van snor en vurig van lip

Windmakerder kan jy nie kry

Wat ek wil, skuld die wêreld my

Klippie drie, dié laat jou dink

Vir dertig jaar het jy rinkink

Vier sewendes is daar nou oor

Om op te maak vir tyd verloor

As uit jou hand die vierde val

Dan vlek die gryse jou slape al

En dit wat in die sak oorbly

Te min om als gedoen te kry

Dan kom jy by halwe honderd

Die tyd gallop, jy staan verwonderd

En na die bult-op lewenspad

Beginne jy die afdraand vat

Voorlaaste klippie nommer ses

Glip uit die sak voor jy sê mes

Dié wat gewerk het vir ‘n baas

Kry sy persent en groet vir laas

O wee, o wee, nou klippie sewe

Skriftuurlik het jy klaar gelewe

Daar kom nou veel genade kort

Vir dié wat dalk wil tagtig word

Daar is natuurlik taai kalante

Jy sien hul soms in die koerante

Wat net nie wil die emmer skop

En eers na honderd om sal dop

Of jy nou tot vervelens lewe

Of tata sê hier rondom sewe

By watter klip jy ook al stop

                              Gaan sal ons, die tyd raak op              DIGTER ONBEKEND.

En ek voeg by:-              Nou is die grote vraag

                                      Is Jesus in jou lewens jaag

                                       Is Hy beheerder van jou hart

                                      Of lewe jy verhard

                                      Wanneer sal jy na Jesus kom

                                      Die tyd stap aan – Waarom

                                      Kom nou en lewe vir altyd

                                      Anders is jy ’n lig gewig, maar sonder tyd 

                                                Sal jy nie dan die wee oordink

                                      Die dood is een tree en jy sink

                                      Christus het alles oorwin

                                      Selfs die dood maak nie meer sin

                                      O Here, dankie vir sewe klippies

                                                Dat ek kon hoor en ek kon kies

                                      Die ewigheid is my gegee

                                      Om Christus te verheerlik in