Ek dink aan die dae verby

Aan Jesus was alles gewy

In tente geskaar word ons Hom so gewaar

Oortuiging kom hang in die outydse sang

Die grond was verhewe, as ons voor Hom bewe

Met trane gesaai om met gejubel te maai.

 

Ek onthou nog hoe siele uitstroom

En kniel voor Sy heilige troon

Hoe sag was my hart, en oor sonde vol smart

Die Gees het gewerk, ons was swak, Hy was sterk

Met eerbied en vrees, wou ons altyd naby wees

Waar mense vergader, wat Sy voete nader.

 

Ek hoor nog hoe bid hulle daar

Sy heerlikheid het ons gewaar

Tot laat in die nag, openbaar God Sy krag

Selfs grotes buig neer om Sy wil te begeer

Die vestings verstrooi Hy, die vyand se prooi ‘s vry

Ons harte loop oor, want God het ons verhoor