‘N NAAM IN DIE NAG

 

Sy snik,
die vrou
wat oor Jesus rou

‘n naam
word sag
genoem in die nag

sy hoor,
die een
wat soekend ween…

Hy spreek:
‘Maria, vrou
dis Ek wat roep na jou’

mý naam
in die nag?
Hy ken my! …en sy lag

sy val
voor Hom
wat uit die dood uit kom

Trane
en vreug!
– weg haar ly, haar leeg!

my Jesus,
wondersoet
is my U nagtelike groet

sy haas,
– en snel! –
om Sy broers te vertel

Hy’s weg –
net linne
dit is al, daar binne…

Verrys!
― die kreet  
van dissipels wat weet

hemelse
jubeling!
léwe na die kruisiging!

oorwin
is jy, dood
‘n tyding wondergroot

almal,
luister nou:
‘Ek leef – Ek leef vir jou’

vir Maria,
maar ook jou
herleef Ek;  roep Ek nou

jou naam
in die nag:
‘Volg My in ‘n nuwe dag’

‘n naam;
ook joue
in jou kille nag van koue

               — Ds. Jasper Schellingerhout

Leave a Reply

Your email address will not be published. Required fields are marked *

0:00
0:00