GESANG 186

1. HEF, CHRISTENVOLK, ‘N LOFSANG AAN.   

   LOOF JESUS CHRISTUS, PRYS SY NAAM !  

   HY WAT ‘N MENS GEWORD HET,           

   HET OP DIE AARDE NEERGEDAAL,         

   VIR ONS DIE LOSPRYS KOM BETAAL:      

   SY BLOED WAT HY GESTORT HET.         

   DIE W^RELD IS MET SMART VERVUL,      

   IN DIEPE DUISTERNIS GEHUL,           

   MAAR ONS KOM MET GESANGE:            

   ONS HEILAND HET ONS SKULD VERSOEN,   

   AAN GODS GEREGTIGHEID VOLDOEN –      

   SY LOF IS ONS VERLANGE.              

2. O SEUN VAN GOD, U HET GEKOM          

   VIR BONDSVOLK EN VIR HEIDENDOM,      

   VIR AL WAT LEEF OP AARDE.            

   O JESUS, U VERSOENINGSTAAK           

   HET U VIR ONS VOLBRING – VOLMAAK –   

   NIKS KOM DAARBY IN WAARDE.           

   KNIEL, VOLKE, KNIEL VOOR JESUS NEER; 

   BRING LOF, BRING JUL VERLOSSER EER,  

   AANBID DIE MAN VAN SMARTE !          

   HY HET AAN GOD SE REG VOLDOEN,       

   DIE SKEPSEL MET SY GOD VERSOEN !     

   JUIG ALMAL SAAM VAN HARTE !          

3. U HET GEKOM, GELY, GESTERF,          

   VIR SONDAARS HET U HEIL VERWERF,     

   ONS DEUR U DOOD ONTSONDIG.           

   U HET DIE HOOGSTE PRYS BETAAL;       

   OORWINNING OOR DIE DOOD BEHAAL –     

   DIE LEWE WORD VERKONDIG.             

   LAAT ELKE KNIE DAN VOOR U BUIG,      

   LAAT ELKE MOND VAN U GETUIG:         

   DIE WAARHEID, WEG EN LEWE !          

   O OFFERLAM VIR ONS GESLAG,           

   DIE GEES LAAT MET HERSKEPPINGSMAG    

   U BEELD IN ONS HERLEWE.