Drie Goddelike kleure

Daar is talle kleure

                                                                                                       uit God se wonder-kwas,
                                                                                                     dit breek deur kiere, skeure
                                                                                                      waar dit eens donker was

God stuur Sy kleurelig…

Verdwyn, weg is die gis!
oor wat nie geopenbaar   
nog in die onbekende is
en Hy; Hysélf is daar!

Maar daar’s drie kleure
― treffend; baie spesiaal,
dit open Goddelike deure
so kosbaar en finaal

God praat kleurryk; Hy sê…

Ek stuur vir jou kosb’re blou,
die kleur van My Gees
wat werksaam bly in jou
tot Ek jou siel genees

Ook is daar ‘n kostlik rooi,
die kleur van Jesus bloed
wat gevlekte lewens tooi
in ‘n reine kleed so goed

En dan, die groen se sag
van My sorg, my weiding,
Ek voed jou dag na dag
met God’lik sielsverblyding

Hys God se driekleur-vlag
oor alle mensheid heen!
Dit bring ‘n lossingsdag
vir sondaars, een-vir-een!
               – Jasper Schellingerhout