Dialoog by die skedelplek

                                                                                                       Ek kyk na daardie leë kruis
                                                                                                  Iemand is weg, Iemand nie meer     
                                                                                                   — ook die jillende spot-gespuis
                                                                                                   vort in die nag en so ongesteur        

                                                                                                       Waar is Hy? Vra ek die twee
                                                                                                  wat wriemelend, gepyn nog hang:
                                                                                                       In triomf hoor ons Hom gee
                                                                                                    Sy gees. En, ja, Hy was nie bang…

                                                                                                       en toe… eng’le rondom Hom
                                                                                                  kort na die duisterure van die dag
                                                                                                         die soldate ook was stom,
                                                                                                   in die dood selfs toon Hy sy mag

                                                                                                     Toe, skielik! Rotse, berge skeur
                                                                                                   die aarde skommelend en onvas
                                                                                                         so asof die skepping treur
                                                                                                    oor ‘n Man wat so besonder was

                                                                                                         Hoekom vra u uit oor Hom…               
                                                                                                   was Hy nie die Hemel se gesant…?     
                                                                                                             Moes Hy dan nie kom,
                                                                                                     die Lig hier in ons donkere land?

                                                                                                          En hier hang ons, ons kwyn,
                                                                                                    my vriend het by Hom heil gevind
                                                                                                           En ek … my hoop verdwyn
                                                                                                    saam met Hom wat dood verslind

                                                                                                           Het’k maar daar ingegaan
                                                                                                      by die smal en oop genadedeur!
                                                                                                            My kans is van die baan
                                                                                                       want Hy’s weg, die Heiland-Heer…

         Soos Judas wag nou die nag
           op my, ‘n desperate arme mens:
         dwase ek…, die bose lag
              ― Hy kón vervul my siel se wens…    

                                                                                                                                      —  Jasper Schellingerhout