GESANG 095

1. EK KNIEL OOK VOOR U VOETE, HEER,     

   U JESUS, U’S MY LEWE !               

   SAAM MET DIE HERDERS KNIEL EK NEER.  

   GOD HET MY SKULD VERGEWE !           

   O NEEM MY DENKE, WIL, GEVOEL,        

   LAAT JAAG MY NA DIE HOOGSTE DOEL:    

   OM TOT U EER TE LEWE.                

2. LANK VOORDAT EK OP AARDE WAS,        

   IS U VIR MY GEBORE.                  

   VOOR EK VAN U ‘N WOORD KON HOOR,     

   WAS EK REEDS UITVERKORE.             

   U HET DIE HEMELRYK VERLAAT;          

   U MAAK MY NA GODS WYSE RAAD          

   SY KIND – NIE MEER VERLORE !         

3. IN DIEPE DONKERHEID EN NAG           

   RAAK EK DIE PAD SOMS BYSTER.         

   STUUR, HEER, U GEES;                 

   SKENK, HEER, U KRAG                  

   EN LEI MY DEUR DIE DUISTER.          

   U, SON WAT DEUR DIE WOLKE BREEK      

   EN IN MY HART U LIG ONTSTEEK,        

   VERLIG MY MET U LUISTER !