GESANG 025

1. WAAR TYE WISSEL, TROUE VADER,        

   WIL ONS AANBIDDEND VOOR U BUIG;      

   TOT U, DIE ALBESKIKKER, NADER,       

   U AL ONS LOF EN DANK BETUIG.         

   GESLAGTE STERF EN WORD GEBORE        

   MET JARE WAT HIER KOM EN GAAN        

   EN MET DIE TYD VERVAAG HUL SPORE –   

   U TROU ALLEEN BLY EWIG STAAN.        

2. VER BO ONS WAARDE OF GEBEDE          

   SKENK U AAN ONS U GUNS, O HEER;      

   SELFS WAAR DIE SONDESKULD VERMEERDER,

   MAAK U OOK DIE GENADE MEER !         

   OORVLOEDIG IS U IN U LIEFDE          

   EN GROOT IS U GEREGTIGHEID;          

   U VUL ONS DIEPSTE HARTSBEHOEFTE,     

   EN DRA ONS DEUR DIE AARDSE STRYD.    

3. VERBLY OOK HIERDIE JAAR ONS HARTE    

   AS BLYDSKAP VIR ONS HEILSAAM IS.     

   BESKIK U VIR ONS KRUIS EN SMARTE,    

   HEER, HEILIG ONS DEUR DROEFENIS.     

   LAAT ONS NIE JAAG NA AARDSE SKATTE   

   WAT MET DIE TYD SO GOU VERGAAN;      

   STEL SIELERYKDOM ONS VOOR O~         

   WAT ONVERDERFLIK BLY BESTAAN.        

4. ONS MEET DIE TYD AAN ONS STANDAARDE  

   TOT IN DIE FYNSTE TOE SEKUUR –       

   LEER ONS BESEF DIE TYD SE WAARDE,    

   DIE RYKDOM VAN ‘N ENKEL UUR.         

   LAAT DOEN ONS, HEILAND, GOEIE WERKE, 

   DIE WERK DEUR GOD VIR ONS BEREI;     

   DIE WERK VAN DANKBARE VERLOSTES –    

   DIS WERKE WAT SAL STAANDE BLY !