BOODSKAP NR 3 SKRIFLESING: 1 JOHANNES 1:1-10 TEMA: LEWE VOLUIT VIR JESUS DEUR VOLKOME BLYDSKAP
BOODSKAP NR 3
SKRIFLESING: 1 JOHANNES 1:1-10
TEMA: LEWE VOLUIT VIR JESUS DEUR VOLKOME BLYDSKAP
DIE TWEE VORIGE BOODSKAPPE VAN HIERDIE REEKS IS BESKIKBAAR:
· INLEIDEND – WIE , WAT, WAAROOR EN VIR WIE SKRYF JOHANNES
· IN :1-3 – HET ONS GEKYK NA “DIE EGTE LEWE”
ONS KYK IN HIERDIE BOODSKAP NA “LEWE VOLUIT VIR JESUS DEUR VOLKOME BLYDSKAP”
DIE VRAAG KAN GEVRA WORD “IS DAAR IETS SOOS VOLKOME BLYDSKAP?” WAT IS DIT OM VOLKOME BLYDSKAP TE ERVAAR?
DIE WOORD VOLKOME IN DIE OORSPRONKLIKE TAAL IS “PLERO” EN BETEKEN OM N HOUER OF LEE PLEK TE VUL. ONS VIND DIT IN MAT. 13:48 “EN AS DIT VOL GEWORD HET, TREK HULLE DIT OP DIE STRAND UIT EN GAAN SIT EN MAAK DIE GOEIES IN BAKKE BYMEKAAR, ….”. SO OOK IN JOHANNES 12:3 “EN MARIA HET ‘N POND EGTE, BAIE KOSBARE NARDUSSALF GENEEM EN DIE VOETE VAN JESUS GESALF EN SY VOETE AFGEDROOG MET HAAR HARE. EN DIE HUIS IS VERVUL MET DIE REUK VAN DIE SALF.
DIT IS OOK GEBRUIK VIR DIE VERVULLING VAN PROFESIEE SOOS IN MAT 2:17 “TOE IS VERVUL WAT DEUR JEREMIA, DIE PROFEET, GESPREEK IS” DAAR KAN DUS NIKS BYGEVOEG WORD OM DIT VOLLER TE MAAK NIE.
DIE WOORD BLYDSKAP IN DIE OORSPRONKLIKE IS “CHARA” WAT BETEKEN DIT IS BLYDSKAP WAT VLOEI UIT GELOOF IN DIE EVANGELIE VAN JESUS.
DAAR IS TWEE HOOFGEDAGTES WAARNA ONS KYK:
1) DIE BRIEF WAARIN HIERDIE BLYDSKAP GEVIND WORD
HIER GAAN ONS SIEN DAAR IS DRIE PERSONE BETROKKE WAT DIT VOLKOME MAAK
2) DIE RESULTAAT VAN HIERDIE BLYDSKAP
HIER GAAN ONS SIEN DAT DAAR DRIE VERSKILLENDE TYE BETROKKE IS WAT HIERDIE BLYDSKAP VOLKOME MAAK.
ONS LEES IN HEBR. 13:8 “JESUS CHRISTUS IS GISTER EN VANDAG DIESELFDE EN TOT IN EWIGHEID”. SONDER JESUS IS DAAR GEEN VOLKOME BLYDSKAP. HY MAAK ONS BLYDSKAP VOLKOME, HY IS ONS BLYDSKAP VIR DIE VERLEDE, HEDE EN TOEKOMS.
KOM ONS KYK EERSTENS NA:
1) DIE BRIEF WAARIN HIERDIE BLYDSKAP GEVIND WORD
“ ….ONS…..HIERDIE DINGE….JULLE…… ONS….VOLKOME…”
ONS BLYDSKAP VERWYS NA DRIE PARTYE NL DIE EEN WAT SKRYF, DIE EEN AAN WIE EN DIE EEN VAN WIE DIT KOM. BLYDSKAP KAN NIE VOLKOME WEES AS DIT NET OM MY SELF GAAN, EN NET EK BLYDSKAP HET NIE. ONS LEES IN JOH 4:36 DIE VOLGENDE “EN HY WAT MAAI, ONTVANG LOON EN VERGADER VRUG VIR DIE EWIGE LEWE, SODAT DIE SAAIER EN DIE MAAIER SAAM BLY KAN WEES.”
KYK NA ONS VORIGE BOODSKAP WAAR DAAR VERWYS WORD NA “ONS GEMEENSKAP”
· :1-3 – DIE ONDERVINDING WORD VERTEL
· :4 – SKRYF HY SODAT DIT NIE NET N ONDERVINDING IS WAT HULLE ALLEEN SOU ONDERVIND, MAAR ONS DIT OOK VANDAG KAN ONDERVIND
DAAROM SIEN ONS:
a) DIT IS GESKRYF DEUR IEMAND MET BLYDSKAP
“EN ONS SKRYWE HIERDIE DINGE…….” WATTER DINGE? KYK WEER VIR EEN OOMBLIK NA DIE SKRYWER IN 1:1-4. KAN HY ANDERS AS OM BLYDSKAP TE HE OOR HIERDIE DINGE EN DIT WIL NEERPEN SODAT ALMAL DIT KAN LEES EN SOEK:
· HY SKRYF DAT DIT IETS IS WAT VAN DIE BEGIN AF WAS..
· HY BESKRYF DIT AS IETS WAT HY SIEN ,HOOR , VOEL. DIT IS DIE WOORD VAN DIE LEWE
· DIE EWIGE LEWE WORD OPENBAAR
· DIT BRING GEMEENSKAP, OM IETS IN GEMEEN TE HE.
KAN IEMAND OOR BLYDSKAP SKRYF AS HYSELF DIT NIE EERS SELF ONDERVIND HET NIE? WIE KAN BEWYS DAT DIE BLYDSKAP VAN DIE WERELD NET TYDELIK IS, ANDERS AS HY WAT DIE EGTE HET?
WIE KAN BEWYS DAT HY BLYDSKAP HET, EN NIE NET VOLGENS N KLOMP REELS LEWE NIE.
b) DIT IS GESKRYF AAN IEMAND VIR BLYDSKAP
“…AAN JULLE…..”
MENSE IS VERWARD EN VIND NIE WARE BLYDSKAP. KYK WAT GEBEUR AS IEMAND IETS SOEK EN DIT VIND SOOS IN LUK 15:8-10 “OF WATTER VROU WAT 10 PENNINGS HET, AS SY EEN PENNING VERLOOR, STEEK NIE ‘N LAMP OP EN VEE DIE HUIS UIT EN SOEK SORGVULDIG TOTDAT SY DIT KRY NIE? EN AS SY DIT KRY, ROEP SY HAAR VRIENDINNE EN BUURVROUE BYMEKAAR EN SÊ: WEES SAAM MET MY BLY, WANT EK HET DIE PENNING GEKRY WAT EK VERLOOR HET.
ALMAL IS OP SOEK NA BLYDSKAP IN N WERELD VOL VAN SMARTE.
EEN VAN DIE 5 REDES VIR DIE SKRYF VAN DIE BOEK IS DAT MENSE VOLKOME BLYDSKAP KAN VIND.
· 5 KEER VIND ONS DIE WOORDE “SKRYF AAN JULLE……”
c) DIT IS GESKRYF OOR IEMAND SE BLYDSKAP
“ONS BLYDSKAP…..” (“JULLE” MOET “ONS” WEES VLG KOMMENTARE)
DIE BLYDSKAP KOM VAN JESUS EN WORD OOK DIE DEEL VAN ANDER. JESUS SE LAASTE WOORDE AAN SY DISSIPELS IN JOHANNES 15:11 “DIT HET EK VIR JULLE GESÊ, DAT MY BLYDSKAP IN JULLE KAN BLY EN JULLE BLYDSKAP VOLKOME KAN WORD”
SO OOK IN JOHANNES 16:24 “TOT NOU TOE HET JULLE NIKS IN MY NAAM GEVRA NIE. BID EN JULLE SAL ONTVANG, SODAT JULLE BLYDSKAP VOLKOME KAN WEES.”JOHANNES 17:13 “MAAR NOU KOM EK NA U TOE; EN EK SPREEK HIERDIE DINGE IN DIE WÊRELD, SODAT HULLE MY BLYDSKAP VOLKOME IN HULLE KAN HÊ.”
DIT KAN DAN MOS NIE EEN VAN VELE EMOSIES WEES NIE. DIT KAN DAN OOK NIE BLYDSKAP WEES WAT KAN KOM EN GAAN NIE. SOOS ONS LEES IN PRED.7:6 “WANT SOOS DIE GEKNETTER VAN DORINGTAKKE ONDER ‘N POT, SO IS DIE GELAG VAN ‘N DWAAS. DIT IS DAN OOK TEVERGEEFS.” DIT IS TYDELIK.
DIE BLYDSKAP VAN JESUS WORD NIE WEGGENEEM DEUR SMART EN PYN IN DIE HOOGSTE GRAAD. DAN MOET DAAR BLYDSKAP WEES SELFS IN TYE VAN DROEFHEID EN SMART. IS DIT MOONTLIK? LEES HEB. 12:1,2
MAAR KOM ONS KYK VERDER NA HIERDIE ONDERWERP:
2) DIE RESULTAAT VAN HIERDIE BLYDSKAP
“….BLYDSKAP VOLKOME KAN WEES……
KYK NA HEBR.13:8 “JESUS CHRISTUS IS GISTER EN VANDAG DIESELFDE EN TOT IN EWIGHEID.”
· AS JESUS ONS BLYDSKAP IS:
a) BLYDSKAP IN DIE VERLEDE – JESUS IS GISTER DIESELFDE
HET HY DIE WEG GEOPEN VIR ONS OM TERUG TE KAN KYK EN TE WEET MY SKULD IS WEGGENEEM. DIE TRANE VAN BEROU OOR ONS SONDE IN DIE VERLEDE HET DIE BLYDSKAP HELP VOLKOME GEMAAK.
DAT HY ALTYD NOG DAAR WAS AS EK TERUGKYK. KYK TERUG NA DIE KRUIS EN SIEN DIE DEURBOORDE HANDE EN VOETE EN DIE BLYDSKAP OM TE WEET OP DIE 10/4/83 HET EK SY SEUN GEWORD.
EK HET BLYDSKAP AS EK TERUGKYK NA GISTER EN DIT IS SKOON. MY VERLEDE WORD NIE GEJAAG DEUR GERAAMTES NIE.
b) BLYDSKAP VIR DIE HEDE – JESUS IS VANDAG DIESELFDE
LOOP NIE MET BITTERHEID , WROKKE EN GESINDHEID VANDAG NIE MAAR MET DIE BLYDSKAP VAN JESUS.
ONS LEES IN MAT 11:28-30 “KOM NA MY TOE, ALMAL WAT VERMOEID EN BELAS IS, EN EK SAL JULLE RUS GEE. NEEM MY JUK OP JULLE EN LEER VAN MY, WANT EK IS SAGMOEDIG EN NEDERIG VAN HART, EN JULLE SAL RUS VIND VIR JULLE SIELE; WANT MY JUK IS SAG EN MY LAS IS LIG.”
DIE KOSBARE WAARHEID IN NEH.8:11 “VERDER HET HY VIR HULLE GESÊ: GAAN, EET LEKKER SPYS EN DRINK SOET DRANKE EN STUUR PORSIES AAN HULLE VIR WIE NIKS BEREI IS NIE; WANT HIERDIE DAG IS HEILIG AAN ONSE HERE. WEES DAN NIE BEDROEF NIE, WANT DIE BLYDSKAP IN DIE HERE—DIT IS JULLE BESKUTTING.”
c) BLYDSKAP OOR DIE TOEKOMS – JESUS IS TOT IN EWIGHEID DIESELFDE
KOM ONS LEES DIE WOORDE IN PSALM 16:8-11 “EK STEL DIE HERE ALTYDDEUR VOOR MY; OMDAT HY AAN MY REGTERHAND IS, SAL EK NIE WANKEL NIE. DAAROM IS MY HART BLY EN MY EER JUIG;OOK SAL MY VLEES IN VEILIGHEID WOON; WANT U SAL MY SIEL AAN DIE DODERYK NIE OORGEE NIE; U SAL NIE TOELAAT DAT U GUNSGENOOT VERDERWING SIEN NIE. U SAL MY DIE PAD VAN DIE LEWE BEKEND MAAK; VERSADIGING VAN VREUGDE IS VOOR U AANGESIG, LIEFLIKHEDE IN U REGTERHAND, VIR EWIG.”
SO OOK IN LUKAS 10:20 “MAAR JULLE MOENIE DAAROOR BLY WEES DAT DIE GEESTE AAN JULLE ONDERWORPE IS NIE, MAAR WEES LIEWER BLY DAT JULLE NAME IN DIE HEMELE OPGESKRYWE IS.”
OPENBARING 7:17 SE “ WANT DIE LAM WAT IN DIE MIDDEL VAN DIE TROON IS, SAL HULLE LAAT WEI EN HULLE NA LEWENDE WATERFONTEINE LEI, EN GOD SAL ALLE TRANE VAN HULLE OË AFVEE.” IN OPENBARING 21:4 STAAN “ EN GOD SAL AL DIE TRANE VAN HULLE OË AFVEE, EN DAAR SAL GEEN DOOD MEER WEES NIE; OOK DROEFHEID EN GEWEEN EN MOEITE SAL DAAR NIE MEER WEES NIE, WANT DIE EERSTE DINGE HET VERBYGEGEGAAN”
VOLKOME BLYDSKAP IN DIE BRIEF
DIE EEN WAT DIT SKRYF
DIE EEN AAN WIE HY SKRYF
DIE EEN WAT DIT LEES
VOLKOME BLYDSKAP IN JESUS
GISTER
VANDAG
MORE
LEWE VOLUIT VIR JESUS EN VIND VOLKOME BLYDSKAP