DIE GLAS WATER.

Baie jare gelede is ’n man gevonnis vir ’n oortreding en die uitspraak was die doodstraf. Die dag het aangebreek vir die uitvoering van die vonnis en die man is na die markplein geneem om in die teenwoordigheid van almal gehang te word. Die koning het ook daar gesit om te sien dat die wet uitgevoer word. Die man is gebring na die platform en die tou is om sy nek geplaas. Die veroordeelde het gevra vir ’n glas water en dit is hom toegestaan deur die koning. Die man het die glas in sy hand geneem maar hy het so gebewe dat hy dit nie kon drink nie. Die koning het toe vir hom gesê:- “Vat jou tyd – jy sal nie gehang word voordat jy die glaswater gedrink het nie!” Die veroordeelde het dadelik die glas met die water van hom af weg gegooi en toe gesê:- “Ek sal dit nooit drink en daarom sal ek nooit hang nie.” Die veroordeelde het die koning op sy woord gevat. Hy het geloof in die koning se woorde gehad.

Liewe vriend/in het jy geloof in die Koning – Jesus Christus se Woord?

Handelinge 16:31 “Glo in die Here Jesus Christus en jy sal gered word, jy en jou huisgesin.”

Vertrou jy God volkome vir jou lewe na die dood? Is jy verlos van jou sonde? Glo jy dat God ENIGE sonde kan vergewe! Joune ook?!!

MARKUS 11:22 “Jesus antwoord en sê vir hulle: Julle moet geloof in God hê.”

Wat is die omstandighede waarin jy beland het? Jou geloof in God wankel! Jy weet nie meer watterkant toe nie! Stel jou geloof in God al lyk alles donker.

JOB 13:15 “Kyk, al wil Hy my ombring—ek hoop op Hom; “ Wow dit is geloof!!! Kan jy dit vandag sê? Ja , God maak van jou doodloopstraat ‘n “Highway”!

Word stil!!!!!! – Vergeet van die probleme en die soeke na die oplossings! Draai weg van, om rondom jou te kyk ,en kyk na bo! Sien God in Sy glorie op Sy troon. Hoor hoe Hy vir jou sê:- MATT. 19:26 “Maar Jesus het hulle (JOU) aangekyk en vir hulle (JOU) gesê: By mense is dit onmoontlik, maar by God is alle dinge moontlik.”

 GEBED

Here my oë is op U en wagtend op U!  Here kom my ongeloof te hulp? AMEN